{Halkan Ka Daawo Ama Ka Dhegeyso }Shacabka Reer Burco Oo Aan U Kala Hadhin Soo Dhaweenta Gudoomiyaha Xisbiga Ucid Eng Faysal Cali Waraabe Aqal Iyo Muuqaal +Sawiro

Filed under: Wararka |
Facebooktwitterredditpinterestlinkedinmail

Burco (UCID-Media Group)- Gudoomiyaha Xisbiga Ucid Eng Faysal Cali Waraabe iyo wafti balaadhan oo uu hogaaminayo ayaa maanta si balaadhan loogu soo dhaweeayay Magaalada Burco Ee Gobolka Togdheer .

Soo Dhaweenta Gudoomiyaha oo si wayn looga Dareemay Magaalada Burco ayaa ahayd mid aanay Bulshada Reer Burco u kala hadhin, waxaana hor kacayay Badhasaabka Gobolka Maxamed Ibraahim Qabo , iyadoo ahayd mid ay iskood isku abaabuleen Bulshadu oo aan ku jirin qorshaha Waftiga Gudoomiye Faysal Hor kacayo .

Gudoomiyaha Xisbiga Ucid Ee Gobolka Togdheer Mudane Aadan ayaa weedho soo dhaween ah ku soo dhaweeyay Gudoomiye Faysal iyo Waftiga uu hogaaminayo .

Gudoomiyaha Xisbiga Ucid Eng Faysal Cali Waraabe oo Magaalada Burco ugu warramay Warbaahinta ayaa sheegay in aad ugu mahad naqayaan Bulshada Burco isagoo faahfaahin ka bixiyay ujeeddada socdaalkooda Burco .

“ Waxaanu u nimid waxaa weeyaan , waxaan ku leenahay xaflad aanu qaabili doono dad xisbiga soo galayaan , iyo murashaxiin tartamaya Doorashooyinka Golaha wakiilada ,.” Ayuu Yidhi Gudoomiye Faysal Cali Waraabe .

Gudoomiyahaa ayaa waxaa intaasi ku daray “ Intan kale ee lagu daray ee soo dhaweenta kumaanu talo galin , waa ku mahadsantihiin , annagu waanu soo dhameesannay soo dhaweenta iyo is dabayaacaas uma xiisoono moogtahay , markaa idinkaa is xilqaamay , lacagna soomaanaan dirin , xafladaasunbaanu u nimid , aadna waanu idiinku mahad naqaynaa Shacabka Burco , Anigu waxaan idhaahdaaba Burco waa Xareedda Somaliland ..” Ayuu Yidhi Gudoomiye Faysal Cali Waraabe .

Sidoo kale Gudoomiye Faysal ayaa ku dheeraaday abaaraha ba’an ee ku habsaday Bulshada Reer Somaliland isagoo bulshada ugu baaqay in rabbi loo noqdo oo la waydiisto Raxmadiisa .

Si kastaba ha ahaate Socdaalka uu Gudoomiye Faysal Cali Waraabe ku yimid Gobolka Togdheer ayaa qeyb ka ah Dar-dargalinta Hawlaha Xisbiga maadaama ay Xisbiga ku soo wajjahanyihiin Doorashooyin waawayn oo kala ah Madaxtooyada iyo Golaha Wakiilada . 


FB_IMG_1458740198591FB_IMG_1458740195122FB_IMG_1458740188925FB_IMG_1458740203001FB_IMG_1458740206254FB_IMG_1458740235791FB_IMG_1458740232092FB_IMG_1458740209470FB_IMG_1458740209470FB_IMG_1458740212756FB_IMG_1458740221418FB_IMG_1458740215962FB_IMG_1458740221418ATT00000_MG_7850_MG_7853_MG_7853_MG_7856_MG_7863
Screenshot_2016-03-23-14-32-39-1-1Screenshot_2016-03-23-14-30-59-1

Share this:

Share With

rssyoutube

Leave a Reply

Your email address will not be published. Required fields are marked *