Gudoomiyaha Xisbiga UCID Eng Faysal Cali Waraabe ayaa magaalada Hargaysa kulan kula qaatay La-taliyaha. Isu-Duwaha Hay’adaha Qaramada Midoobay Mr Gavin Roy .
Waxaanay labadan masuul ka wada hadleen, Abaaraha, Doorashoyin, iyo qodobo kale, iyagoo isla jeex-jeexay xaaladda guud ee Mandaqada, gaar ahaan Somaliland .
Gudoomiyaha ayaa Ka codsaday in ay kordhiyaan Mucaawimooyinka ay siiyaan Somaliland, si ay wax uga geysato horumarka ka socda Somaliland .
Sidoo kale Gudoomiyaha ayaa warbixin ka siiyay hawlaha Doorashooyinka iyo sida loogu diyaar-garoobayo, isagoo si gaar ah farta ugu fiiqay xaaladda ba’an ee abaareed ee gobolada bariga Somaliland, waxaanu ka codsaday in ay qaramada Midoobay abaaraha Somaliland wax kala qabato .
Kulankaas ayaa ku soo dhamaaday jawwi is af-garad .
