Gudoomiyaha Xisbiga UCID Eng Faysal Cali Waraabe ayaa maanta dalka dib ugu soo laabtay, ka dib safar qaatay todobaad oo uu ku joogay dalka Imaaraadka Carabta .
Waxaanu Gudoomiyuhu ka mid ahaa Wafti Heer qaran ah oo Dalka Imaaraadka kaga qeyb galay Saxeexa Heshiiska Dp World Iyo Somaliland ee Maalgalinta Dekedda Berbera .
Gudoomiyaha oo ay Weheliyaan Masuuliyiin ka tirsan Xukuumadda Somaliland ayaa Bulshada Reer Hargaysa si balaadhan u soo dhaweeyeen, iyagoo kor u lulayay Calanka Somaliland, kuna dhawaaqayay Ereyo ay ku muujinayaan sida ay ugu faraxsanyihiin Heshiiska HIrgalay ee Badhaadhaha iyo Horumarkaba u horseedi Doona Bulshada ku Dhaqan Somaliland .
Heshiiskan Dp World Iyo Somaliland Ee Maalgalinta Dekedda Berbera ayaa ah Heshiis ay Axsaabta, Golayaasha iyo Guud ahaanba shacbigu u muujiyeen Taageero lixaad leh, iyagoo u arka in uu yahay Heshiis sababi doonaa horumar baaxad leh oo saameen togan ku yeesha dhaqaalaha iyo shaqo abuurka dalka .
