Kulankan oo ahaa qado sharaf ayaa waxaa ku kulmay Madax Dhaqameed iyo Odayaal ka soo jeeda Deegannada Koonfurta, Bariga Iyo Badhtamaha Hargaysa Iyo Gudoomiyaha Xisbiga UCID Eng Faysal Cali Waraabe .
Waxaanu kulankani ka dhacay Hotel Riyaad Ee Hargaysa, iyadoo kulankani uu daarnaa is xog-waraysi iyo taageero ay Madax Dhaqameedkani ay u muujiyeen Gudoomiyaha .
Sidoo kale waxaa la isla lafo guray hawlaha Xisbiga UCID, iyo sidii looga qeyb qaadan lahaa hawlaha u diyaar garawga Doorashada, maadaama hadda la galay Jawwi Doorasho .
Madax Dhaqameedkan ayaa Gudoomiyaha u cadeeyay in ay ku garab taaganyihiin Hankiisa Murashaxnimo, waxaanay carrabka ku adkeeyeen in Gudoomiye Faysal yahay Siyaasiga immika ugu waayo aragsan Somaliland, ee ku haboon in uu qabto talada Dalka .
Gudoomiye Faysal Cali Waraabe oo kalmado kooban halkaasi ka yidhii, ayaa Madax Dhaqameedka u sheegay in dib u habayn lagu sameen doono Xisbiga UCID, waxaanu uga mahad naqay cududda taageero ee ay u muujiyeen .
