Guddoomiyaha Xisbiga UCID Eng Faysal Cali Waraabe ayaa Maanta ka qeyb galay Xafladda Daah-furka Diinwaangalinta Gobolka Sanaag oo maanta ka dhacday Beerta Xorriyadda ee Ceerigaabo .
Waxaana Munaasibaddan ka soo qeyb galay Madxweyne ku xigeenka Somaliland Mudane C/raxman Saylici, Guddoomiyaha Komishanka Doorashooyinka C/qadir Aadan, Gudoomiyaha Xisbiga UCID Eng Faysal Cali Waraabe, Madaxda Axsaabta, Wasiiro iyo Dadwayne kale .
Waxaana halkaasi ka hadlay Madax ka socotay Komishanka oo amaan balaadhan u jeediyay Deegaanka Gobolka Sanaag oo ay ku tilmaameen Deegaanka ugu balaadhan ee ugu hodansan Somaliland .
Waxaanay ugu baaqeen in ay is diinwaangaliyaan oo ay ka faa’idaystaan .
Wasiirada Gaashaandhiga, Biyaha oo iyaguna halkaasi ka hadlay ayaa shacabka Reer Sanaag ugu baaqay in ay si balaadhan uga qeyb qaataan Diinwaangalinta .
Guddoomiyha Xisbiga UCID Eng Faysal Cali Waraabe oo halkaasi ka hadlay ayaa sheegay in ay ka dagaalameen in wakhtigii abaarta diinwaangalintu ka dhacdo Deegaanka Gobolka Sanaag .
Sidoo kale Guddoomiyuhu wuxuu ku booriyay Bulshada Reer Sanaag in ay Is diinwaangaliyaan oo ay qaataan kaadhka Cod-bixinta .
Ugu danbeen Guddoomiyuhuu wuxuu ku adkeeyay Shacabka Reer Sanaag in ay midoobaan oo ay horumarka isku kaashadaan .
Guddoomiyaha Komishanka Doorashoyinka Somaliland C/qaadir Iimaan oo halkaasi ka hadlay ayaa ku dheeraaday Maraaxilkii kala duwan ee Diinwaangalintu soo martay iyo sidi ay uga soo hirgashay Gobolada kale ee Somaliland, waxaanu Bulshada Reer Sanaag ugu baaqay in ay is diinwaangaliyaan .
Gabogabadii Xafladaasi waxaa ka hadlay Madaxweyne ku Xigeenka Somaliland Mudane C/raxman Saylici oo shacabka Reer sanaag ugu baaqay in ay is diinwaangaliyaan .
