Gudoomiyaha Xisbiga UCID Eng Faysal Cali Waraabe ayaa Maanta soo kormeeray Dhismaha Dugsiga Farsamda Gacanta Ee Maxamed Mooge, Kaas oo ay hirgalinayaan Ururka Haldoor .
Waxaana Gudoomiyahu markii uu gaadhay xarunta Dhismaha Dugsigaasi, ayaa waxaa halkaasi warbixino ku saabsan xaaladda Dhismaha Dugsiga Siiyay Masuuliyiinta Ururka Haldoor .
Intaasi ka dib waxaa halkaasi kalmado kooban ka yidhi Agaasimaha Guud Ee Ururka Haldoor Deeq Cismaan Daahir, Eng Sayid Cali, Marwo Nadiira Daahir Bootaa, Iyo Masuul ka tirsan Ururka Haldoor laantiisa Germany, Waxaanay Dhamaantood iska daba mareen xaalaadda Dhismaha Dugsiga, iyagoo ku dheeraaday qiimaha ay leedahay Farsamda Gacantu .
Gudoomiyaha Xisbiga UCID Eng Faysal Cali Waraabe Oo Halkaasi ka hadlay ayaa Ururka Haldoor ku bogaadiyay sida uu uga qeyb qaadanayo Horumarka Dalka, isagoo ku dardaaray in ay dadaalkooda halkaa ka sii wadan .
Waxaanu Gudoomiyuhu Halkaasi kaga dhawaaqay Lacag Dhan 3000 Dollar, oo uu sheegay in uu kaga qeyb qaadanayo Dhismaha Dugsigan .
