Waftigii Guddoomiyaha Xisbiga Ucid Hogaaminayey Ee Socdaalkaa Nabadda Iyo Midaynta Somaliland Oo Si Weyn Loogu Soo Dhaweeyey WADAAMO-GOO Iyo Xisbiga UCID Oo Xafiis Ka Furtay
Wadaamo- Goo (UCID-Media Group) Dadweynaha ku nool magaalada Wadaamo- Goo ayaa maanta si ballaadhan u soo dhaweeyey wefti uu hogaaminayo guddoomiyaha Xisbiga UCID , isla markaana halkaa xafiis ka furtay.
Weftiga guddoomiyaha oo saaka ka ambabaxay magaalada Burco oo ay beryahanba ku sugnaayeen, ayaa meel magaalada wadaamo- Goo ka baxsan ay kaga hortegeen dad isugu jiray bulshada qaybaheeda kala duwan sida masuuliyiin, madax-dhaqameed, haween iyo dhalinyaro aad u tiro banayd oo luxaysay calanka iyo astaamaha u gaarka ah Xisbiga UCID , ayaa loo galbiyey xarunta cusub ee Xisbiga UCID oo isla maanta uu guddoomiyuhu xadhiga ka jaray.
Guddoomiyaha urur-siyaasadeedka Guddoomiyaha Xisbiga UCID Md. Faysal Cali Xuseen oo halkaa kala hadlay dadweynihii faraha badnaa ee soo dhaweeyey, ayaa si weyn uga mahadceliyey sida ballaadhan ee ay ugu soo dhaweeyeen magaalada Wadaamo- Goo . 
