Gudoomiyaha Xisbiga UCID Eng Faysal Cali Waraabe ayaa maanta si balaadhan loogu soo dhaweeyay Deegaanka Adhi-Cadeeye ee Gobolka Sool .
Waxaana Gudoomiyaha kaga hor tagay Duleedka Magaalada Adhi-Cadeeye Qeybaha bulshada kala duwan sida Madax Dhaqameed, Haween Iyo Dhalinyaro, kuwaas oo kor u lulay caleemo qoyan, kuna dhawaaqayay Ereyo muujinaya kalgacalka ay u qabaan Hogaamiyaha Ruuxiga ah ee Xisbiga UCID .
Intaasi Ka dib Gudoomiyaha ayaa waxaa uu ka qeyb galay Shir Balaadhan oo loo qabtay Madax Dhaqameedka iyo Odayaasha ka soo jeeda Deegaannada Sool, Xaysimo, Buuhoodle iyo Sanaag-bari, waxaanu halkaasi ka jeediyay Khudbad DHeer oo taariikhi ah .
Gudoomiyaha ayaa Khudbadiisa kaga hadlay Qiimaha ay leedahay midnimada, isagoo ku Dardaaray in ay wax la qabsadaan Shacabka Reer Somaliland .
Gudoomiye Faysal Cali Waraabe waxaa kale oo uu sheegay isla markanaa uu garaabay tabashooyinka ay soo bandhigeen Odayaasha iyo Madax Dhaqameedkaasi, isagoo sheegay in uu xukuumadda ku ilaalin doono heshiiska ay wada galaan Xukuumadda iyo Madax Dhaqameedkaasi .
Ugu danbeen wuxuu ugu baaqay Madax Dhaqameedkaasi in ay si mug leh uga qeyb qaataan shirka nabadeed ee shan iyo labtaanka bisha sideedaad ka dhici doona Burco ee uu gogoshiisa dhigay Madaxweynaha Somaliland .
Gudoomiyaha XIsbig UCID ayaa caawa ku soo hoyday Magaalada Laascaanood Ee Gobolka Sool
Muuqaalka Khudbadda Wararkayaga Soo Socda Ayaanu Idinka Soo Gudbinaynaa .
