Gudoomiyaha Xisbiga UCID Eng Faysal Cali Waraabe ayaa Maanta ka qeyb galay Munaasibad lagu dhagax dhigay Riig Biyo ka soo saari doona Banka Qoolcaday .
Riigan oo qeyb ka ah Mashruuca Banka Qoolcaday ee ay maalgalinayso Hay’adda SDF ee horumarinta Somaliland .
Waxaa sidoo kale Madashan ku sugnaa Wasiiro, Madax Dhaqameed iyo Madax Ka socotay Saddexda Xisbi Qaran Ee Somaliland .
Ugu horeen waxaa si wada jir ah u dhagax dhigay Gudoomiyaha Xisbiga UCID Eng Faysal Cali Waraabe, Gudoomiyaha Xisbiga Kulmiye Muuse Biixi Cabdi Iyo Wasiirka Xanaanada Xoolaha Somaliland Mudane C/laahi Maxamed Daahir Cukuse .
Gudoomiyaha Xisbiga UCID Eng Faysal Cali Waraabe ayaa khudbad dhinacyo badan taabanaysaa ka jeediyay madashaasi .
Gudoomiyaha waxaa uu soo dhaweeyay Mashruucan, isagoo ku tilmaamay mid faa’ido balaadhan u leh Bulshadaa Deegaankaasi .
Gudoomiyuhu ayaa hoosta ka xariiqay Dhibaatada ay ku hayaan Dad iyo xoolaba Seeraha la ootay, isagoo ku baaqay in wax laga qabto arrintaasi .
Gudoomiyaha ayaa Xukuumadda ugu baaqay in ay isku kalsoonaato oo ay wixii bulshada u dan ah gacan dawladnimo ku fuliso .
Halkan Ka Dhagayso Khudbadii Gudoomiye Faysal Oo Dhameestiran .
Halkan Gujji Si Aad Codka Gudomiyaha U Dhageesato
